لا تحرق البسمه على ورد مبسمك--

لاتحرق البسمه على ورد مبسمك
دخيل عينك لو شوي ابتسم لي
تعال نادمني بحسك وأنادمك
قلي وانا بشيل حملك وحملي
والله لوأدري شي بالكون ظايمك
لقوم لك من قبل لاتقول قم لي
لو الود ودي من نسميه أقاسمك
جرة نسم لجلك وجرة نسم لي
لين اني اتعمق بداخلك وافهمك
وانته تعمق فيني وتفتهم لي
أباك تسمع قلبي وهو يكلمك .
كلام بدغداغ الأشواق مملي
سافر بوجداني وخذ مايلائمك .
واسكن وقر بوسط روحي ودم لي
واكرمني بعطفك عسا الله يكرمك ..
كم لك تماطلني وانا أرجيك كم لي
طالع عيوني بالغلا كيف تحشمك
يمكن تحشم دموعها لاتهملي
وأسال عيونك وش تشوف وتعلمك..
ان الفرح من بسمتك يرتسم لي
مرات أحس اني غريب بعالمك
وأقول حظي بالتعاسه قسم لي
دخلت بوابة غرامك محكمك
على العمر وانته نسيت تختم لي
لكن حين انظر لروعة معالمك .
أقول بيتصلح اللي انهدم لي
يامنعم اسلوبك وحسك ومنعمك .
ابنسجم لك بالهوى وانسجم لي
سولف وصب بمسمعي من عسل فمك
وغذ الفكر عشان يحيا النظم لي
وأرقا على متن المحبه بسلمك .
قلبي سما وانت البدر والنجم لي
يعل ماتعدمني ويعل معدمك .
ولايفارق شملك العذب شملي
ودى قمررررررررررر

قمررررررر
إبــدآآآع وتـميـــز
سـطــور خطـت بـمآءمــن ذهــب أرجــو أن تـستـمــرلـنسـعد لـقـرآءة مـختارآتـك آلـرآئعــه
عجبتني حروفك وكلماتك التي تعبر عن رقه الاحساس والقلب الجياش
وها اردد من كلماتك ما عجبني ودخلت صميم قلبي وجعلتني اهيم في دنيا الخيال
ابنسجم لك بالهوى وانسجم لي
سولف وصب بمسمعي من عسل فمك
وغذ الفكر عشان يحيا النظم لي
وأرقا على متن المحبه بسلمك .
قلبي سما وانت البدر والنجم لي
يعل ماتعدمني ويعل معدمك .
ولايفارق شملك العذب شملي
ليبـقى الإبـدآع وآلتـألـق عنوآنـك آلدآئـم
فـلآ تـحرمينـآ جـديـدك
كــل آآآلــــود والورد

تحياتي

سعد

خاطرة كانت في غاية
الجمال وعباراتها كانت متنفس لبعض
العشاق ..
تميزتي فتميز قلمك
وبرزتي فبرزت محاسن طرحك
أمنيتي القلبية لك بالمزيد من الأبداع
لك ودي