اهلا بجميع الاصدقاء : رساله ترحيب من القلب الى الجميع
احب اعرفكم بنفسى / انا اسمى ايهاب محمد انا من بلد الامن والامان مصر واسكن بكل فخر فى مدينه بورسعيد
بورسعيد دى بلد كل حاجه فيها غريبه ابتداء من اهلها الى مكانتها بين باقى محافظات مصر وغربتها سبب جملها ورونقها
وفيها اسرار كتيره باذن الله انا هقولها ليكم
اولا : بورسعيد بتتمتع كونها منطقه حره يعنى كل حاجه فيها من ملبس وماكل ومشرب مستورد من جميع دول العالم بمعنى اكثر لو زرت بورسعيد هتجد فيها كل حاجه تتمناها ونفسك فيها وده طبعا لاان كل شوارعها اسواق والغريب ان السلعه فى اى محل غير مكرره لاان كل تاجر بيستورد لمحله بنفسه يعنى ادوات منزليه تلاقى منها الالمانى - الفرنساوى - الصينى - التيلاند - التيوان والملابس كذلك الصينى بكثره والتركى والايطالى اكسسوارات على كل شكل ولون حتى الملابس المستعمله والاستوك برضوا هتلاقى ليها اسواق ضخمه كل حاجه موجوده انا زرت دبى ورحت مولات
كتيره واسواق كتيره منها سيتى سينتر مثلا وسوق مرشد لكن بصراحا بورسعيد فيها حاجات وبضائع اكتر على كل شكل ولون وكل الاسعار والمستويات
ثانيا بورسعيد غريبه فى جوها تصوروا ان الشتاء بتعها ايام بس وبيجى خفيف جدا وطول العام جوها معتدل يعنى فى الشتاء كفايه قميص وبنطلون وبلوفر مفتوح يكفى وفى الصيف قميص نصف كم وبنطلون خفيف
ثالثا : الغريب فى بورسعيد ان فيها مطاعم كتيره جدا وفيها مجمع كبير للمطاعم خصوصا مطاعم الاسماك على فكره بورسعيد فيها احسن سمك واجود انواعه وكل اهلها بيتفننوا فى طبيخه وايجادته مابلكم بقى المطاعم وكمان كلها على البحر وخدمتها مميزه وعلى مستوى جميل جدا واسعار رخيصه جدا جدا طبعا بخلاف اسواق كامله 24 ساعه لبيع السمك مع الافران الجاهزه والشغاله طبعا
رابعا : الغريب فى بورسعيد البحر بتعها جميل جدا ورماله نعمه جدا والجو غير عادى على فكره الطابع المميز ده علشان عندنا قناه السويس ووصله من البحر الى البحر الاحمر وكل الخدمات موجوده عاوز خيمه تلافى عاوز شمسيه تلاقى عاوز تقعد كده ماشى برحتك حمام تلاقى دش ميه حلوا تلاقى مطاعم سريعه تلاقى كل حاجه على البحر متوفره واسعارها جميله ورخيصه وعلى فكره طول العام
خامسا : اهلها بقى ناس طيبين جدا ومحترمين جدا وفى حالهم هما كرما قوى وبيحبوا الضيوف جدا وبيتفاعلوا معاهم بسرعه بمعنى لو ماشى فى الشارع وحدثت ليك مشكله لاقدر الله هتجد الف يقف ويساعدك بس برضوا لازم تخد بالك وتفرق مابين اهل بورسعيد والقادمين عليها بغرض التجاره دول بقى اتوا الى بورسعيد علشان يجمعوا فلوس ويمشوا بس وعادتا مش عندهم طباع اهل بورسعيد ودول كتير مع الاسف يعنى لو عاوز تتزوج من اهل بورسعيد مش هتندم ابدا هتلاقيهم شكلهم زاهى جدا ومهتمين بنفسهم جدا لاان دى طباعهم ومش هتندم ابدا لاانهم عشريين جدا وصبورين جدا ويعيشوا على الحلوا والمره وفى كل الاحوال برضوا بيهتموا بنفسهم جدا وبيعشتهم جدا
سادسا : لا كفايه كده لو لاقيت تفاعل معى ممكن اكمل وارد على اى سوال مهما كان .