مساء الخير ياجرح الزمن يا دمـه المتفـول
مساء الخير يا جسمٍ شكى من كثر وجعاتـه
مساء الخير يا عينٍ بكت من علقم المحلـول
مساء الخير يا حلقٍ تغصغص فيـه عبراتـه
مساء الخير يانظره حزينه في سماي تجـول
عبوس الوقـت كبلهـا بضرباتـه وطعناتـه
تلحفها هجير الليل واحرق شعرها المسـدول
وعانقها نسيم الصبح واسهب فـي مناجاتـه
تكللها من الماضي سحر عاشق لها معمـول
دفنهـا حيـة تـرزق وبعثرهـا بنفحـاتـه
صلبها في شرايين الفؤاد اليائس المخمـول
رماها في سجون الغطرسه واعلن بصرخاته
زرقها سهمه النازح وعاشرقلبهـا المعلـول
شضاه الحارقه غارت بوسط الجسم لذعاتـه
كوها فالفؤاد اللي رشف من ريقها المعسول
رحل مع هاجس الذكرى وهي ترجي زياراته
براكين الغضب هاجت وفجت صدرها المدهول
طيورالحزن خاوت بالشجن عبـرات ندباتـه
رسمها عالورق طفلا وصورجسمها المنحول
كتبها قصةٍ تذكـر وصـارت مـن رواياتـه
سكن في عمقها واصبح بفكر الهائمه مشمول
يد اعبها ليـا تمتـم معاهـا فـي قراءاتـه
غرسها وردةٍ حمراء وماتت في جسد مذبول
جهش صدر الغضي وانكب عالوجانت دمعاته
علامات الحزن صارت بوجه المغرمه مدلول
وهاجوس الفكر ضيع بدرب الليـل مشكاتـه
تحياتي
سعد