هذا مكانه / شوف هذي بقاياه
........... الساعه / والورده / وعلبة عطوره
.... جلس هنا / وانا هنا كنت وياه
........... غايب ولاكني / احس ابحضوره
.... وحشني صوته / ووحشتني حلاياه
.......... وحشني تعذيبه / وظلمه / وجوره
.... كانت تعالجني ابتسامة شفاياه
............. ولاٌ كلامه / لاوصلتُني سطوره
.... يوم الوعد يرجع ولاعاد شفناه
........... على العموم شلون حاله واموره
.... طمني عنه كان بعدين تلقاه
.......... اما يجي ولا نروح ونزوره
.... ياطيب ذكره لاحكينا وطريناه
.......... عود السوالف صار منها وبخوره
.... الله يامحلا مكانٍ جلسناه
......... حتى ابغيابه شوف للحين نوره
.... ياصاحبه وياحبيبه لك عين / وناظر رجوعه
..... وانشالله تكمل فرحتك فرحتنا برجوعه
......هذا مكانه / شوف هذي بقاياه
..... الساعه / والورده / وعلبة عطوره